ابووووووووووووووو ذيات

احبك واعتذر منك وناسف
جمال البروحك مغربل وناسف
احط بروحي تي ان تي وناسف
وافجر روحي لو تزعل عليه



انة الشديت جرحك ليش حليت
وعلي حلة الطلاب حليت
ذكرتك بمتحان وغلط حليت
شجاوب وانتة شاغل حتى ادية



عليت وما اظن شخصك علاني
لان بس فركاك يا صاحب علاني
ازعلك اني ما اكدر على اني
اذا زعلتك انة ازعل علية



غزال ايكول ماخذ شمرة منك
وعسل صافي اشحلاتك شمرة منك
تجي ساعات حنظل شمر منك
اجرعنك وكول اتحن علية




عليكم من سلام الله ورحمة
حن على هل الكلب مرة ورحمة
اذا رايد اجر انت ورحمة
تعال انطيني بوسة وحن علية






يهل ناديت بسمي هواي عيدة
ويهل ماخذ دليلي وياك عيدة
الكلب مو بس بعد رمضان عيدة
انا عندي العيد من نكعد سوية



يگلبي بيش اخيطنك ولحماك
ولا واحد شگف عنك ولاحماك
يجيك الضيم من دمك ولحمك
من اقاطعهم تلوم الناس بي