شكد عندي اماني وعندي يامه احلام
بس هذا الوكت خلاني اتمنه
اريد امشي وسولف مثل باقي الناس
ومثل عاشك حبيبه بيهه يتغنه
ومثل رسام اصيرا يرسم الالوان
وتشوف الناس رسمه وتمدح بفنه
ومثل بلبل اصيرا واقره بالالحان
رغم انه بقفص وجفوف سجننه
اريد من الوكت مره يصير وياي
وسيفه ينام كربه وبعد ميسنه
واعلمنه الوفه لجل الاخوه شلون
لجل صاحب صحيبه بدمه يتحنه
بس هسه العكس والناس تكره ناس
وتفر بينه المصايب زيدت همنه
يمرنه اليل غابه وبيها كومه ذياب
وبخيط الفجر تتواله تلهمنه
خلص بينه الصبر ماعاد نحمل ضيم
وكلي لياوكت ثوب الحزن النه
من ضيم وقهر خلصنه هاي سنين
وكل بيت المنايا بجور هدنه
وكلي ليا وكت نبقه نشيل سلاح
وانعارك بعضنه شيعه والسنه
كافي الخاطر الله اصحو ياهل ناس
مو دجله وفرات انصبغت بدمنه
خل روحك اليه وروحي خلهه وياك
وبجفي وي جفك نبني موطنه
مواني الوحيد العده هيج احلام
صدكني الشعب هم مثلي يتمنه
الجمعة نوفمبر 22, 2013 4:09 am من طرف 
اليومية
